Riba Ngabalukarkeun Rupekna Hirup Jeung Siksaan
Bismillah, untuk memperkaya wawasan kaum muslimin, terutama para khotib, mulai hari ini, saya akan menposting materi khutbah jumat.
Khutbah jumat ini diambil dari berbagai sumber online, ataupun ditulis ulang dari sumber offline, dalam beberapa bahasa. Semoga menjadi salah satu referensi untuk ikhwan-ikhwan khotib, agar khutbahnya lebih variatif. Untuk posting perdana ini, teks khutbah dalam Bahasa Sunda.
RIBA NGABALUKARKEUN RUPEKNA HIRUP JEUNG SIKSAAN
KHUTBAH KAHIJI
إنَّ الْحَمْدَ لِلَّهِ, نَحْمَدُهُ, وَنَسْتَعِينُهُ, وَنَسْتَغْفِرُهُ, وَنَعُوذُ بِاللَّهِ مِنْ شُرُورِ أَنْفُسِنَا, وَسَيِّئَاتِ أَعْمَالِنَا
مَنْ يَهْدِهِ اللَّهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ,
أَشْهَدُ أَنْ لاَ اِلَهَ اِلاَّ اللهُ وَحْدَهُ لَاشَرِيْكَ لَهُ، شَهَادَةَ مَنْ هُوَ خَيْرٌ مَّقَامًا وَأَحْسَنُ نَدِيًّا.
وَأَشْهَدُ أَنَّ سَيِّدَنَا محَمَّدًا عَبْدُهُ وَرَسُوْلُهُ الْمُتَّصِفُ بِالْمَكَارِمِ كِبَارًا وَصَبِيًّا.
اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ كَانَ صَادِقَ الْوَعْدِ وَكَانَ رَسُوْلاً نَبِيًّا، وَعَلَى آلِهِ وَصَحْبِهِ الَّذِيْنَ يُحْسِنُوْنَ إِسْلاَمَهُمْ وَلَمْ يَفْعَلُوْا شَيْئًا فَرِيًّا،
أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللهُ،
اُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ.
قَالَ اللهُ تَعَالَى :
الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ۚ ذَٰلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا ۗ وَأَحَلَّ اللَّهُ الْبَيْعَ وَحَرَّمَ الرِّبَا ۚ فَمَنْ جَاءَهُ مَوْعِظَةٌ مِنْ رَبِّهِ فَانْتَهَىٰ فَلَهُ مَا سَلَفَ وَأَمْرُهُ إِلَى اللَّهِ ۖ وَمَنْ عَادَ فَأُولَٰئِكَ أَصْحَابُ النَّارِ ۖ هُمْ فِيهَا خَالِدُونَ
“Jalma-jalma anu ngadahar (nyokot) riba teu bisa nangtung kajaba saperti nangtungna jalma anu kaasupan sétan kulantaran (pangaruh) panyakit owah. Kaayaan maranéhanana kitu téh, kusabab maranéhna ngomong (boga pamanggih), saéstuna jual beuli téh sarua baé jeung riba, padahal Alloh geus ngahalalkeun jual beuli sarta ngaharamkeun riba. Jalma-jalma anu geus nepi ka manéhna panyarék ti pangéranna, tuluy eureun (tina nyokot riba), mangka keur manéhna naon anu geus dicokotna baheula (saméméh datang panyarék); jeung urusanna (dipasrahkeun) ka Alloh. Jalma anu balik deui (nyokot riba), mangka jalma saperti kitu téh nyaéta pangeusi-pangeusi naraka; maranéhna langgeng di jerona”. (QS Al Baqoroh [2]: 275)
Hadirin jama’ah Jum’ah rohimakumulloh,
Alhamdulillah, urang sadayana masih kénéh ditepangkeun ku Alloh di tempat anu mulya ieu, masjid Alloh. Dina dinten Juma'ah anu mulya ieu. Kalayan disarengan ku jalmi-jalmi anu mulya, jalmi-jalmi anu takwa. Mudah-mudahan kabarokahan minuhan urang sadaya.
Anu munggaran tur utami, hayu urang ronjatkeun katakwaan urang ka Alloh. Takwa anu diwujudkeun ku kata'atan ka Alloh. Ngajalankeun sakabéh peréntah-Na jeung ninggalkeun sakabéh panyarék Mantenna.
Hadirin jama’ah Jum’ah rohimakumulloh,
Sikep dasar jalmi anu takwa dina nyanghareupan paréntah sareng panyarék Alloh nyaéta ta'at, sami’na wa atho’na. Abdi sadaya nguping sareng abdi sadaya ta'at. Ulah aya rasa kapaksa numatak beurat saeutik ogé dina jero dirina kana aturan Alloh sareng Rosul-Na.
فَلَا وَرَبِّكَ لَا يُؤْمِنُونَ حَتَّىٰ يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنفُسِهِمْ حَرَجًا مِّمَّا قَضَيْتَ وَيُسَلِّمُوا تَسْلِيمًا
“Mangka demi Robb anjeun, maranéhna (hakékatna) teu ariman nepika maranéhna ngajadikeun anjeun hakim tina perkara anu kumaranéhna dipacéngkadkeun, tuluy maranéhna teu ngarasa beurat dina jero haté maranéhna kana putusan anu kuanjeun dibikeun, jeung maranéhna narima kalawan sagemblengna”. (QS an Nisaa’ [4]: 65).
Mangka kacida pisan anéhna sarta teu asup akal, lamun aya jalma anu ngaku takwa tapi nolak hukum-hukum Alloh, atawa beurat ngajalankeun aturan-aturan Alloh, kalawan loba alesan pikeun ngangles. Contona baé; teu cocok jeung zaman alias kuno, aturan éta ngan keur urang Arab wungkul, atawa loba deui alesan séjénna. Anu intina mah, ingkar sarta teu hayang diatur ku aturan Alloh SWT.
Hadirin jama’ah Jum’ah rohimakumulloh,
Hiji conto nyata aya dina paningal urang sadaya. Sataun katukang, 24 Januari 2019, dicanangkeun Hari Indonesia Tanpa Riba. ‘Pencanangan’ ieu téh ngajadi wujud gerakan pikeun ngingetkeun masyarakat supaya ninggalkeun riba. Kunaon sababna? Sabab riba aya tur walatra di mana-mana.
Padahal mah, Rosululloh SAW ogé kalawan teges, écés témbrés tur boréas ngajelaskeun akibat tina riba. Dina salahsawios hadits anjeuna ngadawuh:
إِذَا ظَهَرَ الزِّنَا وَالرِّبَا فِيْ قَرْيَةٍ، فَقَدْ أَحَلُّوْا بِأَنْفُسِهِمْ عَذَابَ اللهِ
“Saumpami di mana-mana zina jeung riba geus sumebar di hiji kampung mangka saéstuna maranéhna geus ngahalalkan azab Alloh ka diri maranéhna sorangan”. (HR al-Hakim, al-Baihaqi & ath-Thobroni)
Coba perhatikeun wanci kiwari, riba henteu ngan saukur sumebar di kampung atawa désa, tapi geus jadi tihang-tihang ekonomi nagara. Terus, rék bisa kumaha pibakaleunana nagri urang ieu meunang kabarokahan ti Alloh SWT?
Hadirin jama’ah Jum’ah rohimakumulloh,
Alloh SWT méré ancaman anu banget ka maranéhna anu kabeulit ku riba. Dawuhan Mantenna:
الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ۚ ذَٰلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا ۗ وَأَحَلَّ اللَّهُ الْبَيْعَ وَحَرَّمَ الرِّبَا ۚ فَمَنْ جَاءَهُ مَوْعِظَةٌ مِنْ رَبِّهِ فَانْتَهَىٰ فَلَهُ مَا سَلَفَ وَأَمْرُهُ إِلَى اللَّهِ ۖ وَمَنْ عَادَ فَأُولَٰئِكَ أَصْحَابُ النَّارِ ۖ هُمْ فِيهَا خَالِدُونَ
“Jalma-jalma anu ngadahar (nyokot) riba teu bisa nangtung kajaba saperti nangtungna jalma anu kaasupan sétan kulantaran (pangaruh) panyakit owah. Kaayaan maranéhanana kitu téh, kusabab maranéhna ngomong (boga pamanggih), saéstuna jual beuli téh sarua baé jeung riba, padahal Alloh geus ngahalalkeun jual beuli sarta ngaharamkeun riba. Jalma-jalma anu geus nepi ka manéhna panyarék ti pangérana, tuluy eureun (tina nyokot riba), mangka keur manéhna naon anu geus dicokotna baheula (saméméh datang panyarék); jeung urusanna (dipasrahkeun) ka Alloh. Jalma anu balik deui (nyokot riba), mangka jalma saperti kitu téh nyaéta pangeusi-pangeusi naraka; maranéhna langgeng di jerona”. (QS Al Baqoroh [2]: 275)
Ayat ieu ngajelaskeun kaharaman riba sarta wawalesna pikeun maranéhna anu ngadahar riba, anu taya lian nyaéta naraka jahannam. Langgeng di jerona. Teu héran lamun riba ieu téh kaasup salahsahiji tina tujuh dosa gedé.
Rosululloh SAW ngadawuh:
اِجْتَنِبُوا السَبْعَ الْمُوْبِقَاتِ“ قَالُوْا: يَا رَسُوْلَ اللهِ، وَمَا هُنَ؟ قَالَ: ”اَلشِرْكُ، وَالسِحْرُ، وَقَتْلُ النَفْسِ الَتِيْ حَرَّمَ اللهُ إِلاَ بِالْحَقِ، وَأَكْلُ الرِبَا، وَأَكْلُ مَالِ الْيَتِيْمِ، وَالتَّوَلِيْ يَوْمَ الزَّحْفِ، وَقَذْفُ الْمُحْصَنَاتِ الْغَافِلاَتِ الْمُؤْمِنَاتِ
“Jauhan tujuh perkara anu ngancurkeun!’ Maranéhna (para sohabat Nabi SAW) naros, ’Naon hal éta téh?’ Nabi ngawaler; ’Syirik, sihir, maéhan jiwa anu diharamkeun ku Alloh kalawan alesan anu henteu dibenerkeun, ngadahar riba, ngadahar harta budak yatim, kabur ti pangperangan, jeung nuduh zina ka awéwé mukmin anu hadé.” (HR Bukhori)
Hadirin jama’ah Jum’ah rohimakumulloh,
Ku kalintang ageungna dosa riba dugi ka Rosululloh SAW ogé ngala'nat. Dawuhan mantenna:
لَعَنَ رَسُوْلُ اللهِ صَلّىَ اللهُ عَلَيْهِ وَسَلَّمَ: آكِلَ الرِبَا، وَمُوْكِلَهُ، وَكَاتِبَهُ، وَشَاهِدَيْهِ“، وَقَالَ: ”هُمْ سَوَاءٌ
“Rosululloh SAW geus ngala'nat jalma tukang ngadahar riba, jalma anu méré dahar maké riba, anu nuliskeun, jeung dua urang saksi. Dawuhan Nabi SAW,’ Maranéhna sarua baé [dina hal dosana].” (HR Muslim)
Dina dawuhan anu sanés, saur Nabi SAW:
اَلرِبَا ثَلاَثَةٌ وَسَبْعُوْنَ بَاباً أَيْسَرُهَا مِثْلُ أَنْ يَنْكِحَ الرَجُلُ أُمَهُ
“Riba ngabogaan 73 rupa dosa, anu pang énténgna saperti hiji lalaki anu ngawin (ngazinahan) ka indung tegesna sorangan.” (HR Hakim)
Ogé dawuhan mantenna:
دِرْهَمُ رِبَا يَأْكُلُهُ الرَجُلُ وَهُوَ يَعْلَمُ أَشَدُّ مِنْ سِتٍ وَثَلاَثِيْنَ زَنْيَة
“Sadirham riba anu didahar ku salahsaurang sedengkeun manéhna apal, leuwih beurat dosana tinimbang 36 kali ngalakukeun zina.” (HR Ahmad)
Hadirin jama’ah Jum’ah rohimakumulloh,
Mangka pikeun urang sadaya ulah hèran, lamun mangrupa-rupa karupek hirup mukpruk nagri urang ieu. Riba anu jelas haram malah dijadikeun sumber anu ngahasilkeun dina èkonomi. Malahan mah, riba dikukut ku nagara dijadikeun pilar èkonomi sarta dijadikeun sumber panghasilan keuangan nagara.
Sacara pribadi, loba muslim anu jadi palaku riba jeung kangeunahan teu ngarasa dosa. Jeung dina lingkup anu leuwih gedè nagara jadi mesin anu muterkeun riba, malahan mah jadi gegedugna riba panggedéna sabab geus ngahutang ka lembaga riba internasional saperti IMF jeung Bank Dunia sarta nagara beunghar, anu ribana wungkul nepika ratusan triliun per taunna. Naha lain hal ieu téh palanggaran anu nyata kana saré'at Alloh SWT?
Kumargi kitu, para wargi sadaya kaum muslimin rohimakumulloh, geura eureunan ngalakukeun riba. Kedah émut kana panyarék Alloh! Jeung dina lingkup anu leuwih gedé deui, hayu urang sasarengan nanjeurkeun saré'at Alloh ku ngawangun sistem ékonomi anti riba, nyaéta sistem ékonomi Islam! []
[]
بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِن الآيَةِ وَذِكْرِ الْحَكِيْمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّهُ هُوَ السَّمِيْعُ العَلِيْمُ، وَأَقُوْلُ قَوْلِي هَذَا فَأسْتَغْفِرُ اللهَ العَظِيْمَ إِنَّهُ هُوَ الغَفُوْرُ الرَّحِيْم
Khutbah II
اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا
أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ الْمُسَبِّحَةِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلي وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ
اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآء مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.
عِبَادَاللهِ ! إِنَّ اللهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ
Sumber : seruanmasjid.com
