Lompat ke konten Lompat ke sidebar Lompat ke footer

Khutbah Jumat Bahasa Sunda: Wajib Ngabela Kahormatan Nabi Muhammad SAW


Alhamdulillah, kita masih diberi kesehatan dan kesempatan, hingga kita disampaikan lagi umur kita ke hari jumat, sayyidul ayyam. Semoga keberkahan menyertai kita di hari ini, hari sebelumnya, dan hari selanjutnya. Salah satu ibadah wajib bagi kaum muslimin di hari Jumat adalah sholat Jumat. Bagi Anda yang ditaklif untuk berkhutbah, khutbah bahasa Sunda di bawah ini bisa menjadi salah satu referensi. Khutbah ini berjudul "Wajib Ngabela Kahormatan Nabi Muhammad SAW". Selamat membaca!


KHUTBAH KAHIJI

إنَّ الْحَمْدَ لِلَّهِ, نَحْمَدُهُ, وَنَسْتَعِينُهُ, وَنَسْتَغْفِرُهُ, وَنَعُوذُ بِاللَّهِ مِنْ شُرُورِ أَنْفُسِنَا, وَسَيِّئَاتِ أَعْمَالِنَا

مَنْ يَهْدِهِ اللَّهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ,

أَشْهَدُ أَنْ لاَ اِلَهَ اِلاَّ اللهُ وَحْدَهُ لَاشَرِيْكَ لَهُ، شَهَادَةَ مَنْ هُوَ خَيْرٌ مَّقَامًا وَأَحْسَنُ نَدِيًّا.

وَأَشْهَدُ أَنَّ سَيِّدَنَا محَمَّدًا عَبْدُهُ وَرَسُوْلُهُ الْمُتَّصِفُ بِالْمَكَارِمِ كِبَارًا وَصَبِيًّا.

اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ كَانَ صَادِقَ الْوَعْدِ وَكَانَ رَسُوْلاً نَبِيًّا، وَعَلَى آلِهِ وَصَحْبِهِ الَّذِيْنَ يُحْسِنُوْنَ إِسْلاَمَهُمْ وَلَمْ يَفْعَلُوْا شَيْئًا فَرِيًّا،

أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللهُ، اُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ.

Alhamdulillah, puji syukur urang sanggakeun ka Alloh SWT tina limpahan rohmat sinareng barokah-Na ka urang sadaya, sahingga dina dintenan anu mulya ieu, urang sadayana tiasa ngempel deui di tempat anu mulya, sasarengan sareng jalmi-jalmi anu insyaAlloh mulya. Sholawat miwah salam mudah-mudahan salamina dilimpahkeun ku Alloh ka panutan urang Nabi SAW, utusan Alloh, anu nyandak khobar pikabungaheun sarta jalan anu mabra caang pikeun umat manusa. Teu hilap ka kulawargina, para shohabatna sareng sadaya umatna anu ta’at kana ajaran Mantena.

Hayu urang terus satékah polah ningkatkeun katakwaan urang ka Alloh, ku cara ngalaksanakeun sadaya paréntah-Na sarta ngajauhan sadaya cegahan-Na. Ingetkeun bekel anu panghadéna pikeun urang sadaya nyaéta takwa.


وَتَزَوَّدُوا فَإِنَّ خَيْرَ الزَّادِ التَّقْوَى وَاتَّقُونِ يَاأُوْلِي اْلأَلْبَا

“Geura bebekelan aranjeun, jeung saéstuna panghadéna bekel nyaéta taqwa, jeung geura tarakwa aranjeun ka-Kaula yeuh jalma-jalma anu boga akal”. (QS Al-Baqoroh [2]: 197).

Hadirin jama’ah jum’ah rohimakumulloh,

Kumaha kira-kira rarasaan anjeun lamun kolot anjeun dihina? Misalna, kolot anjeun digambar, tuluy ditulis ngaran kolot anjeun di handapna. Didinya ogé dituliskeun: tukang zina, tukang mabok, jeung tukang maéhan. Padahal anjeun apal kolot anjeun teu pernah ngalakukeun hal éta? Anjeun anu masih waras pasti bakal ngambek.

Tuluy, lamun anu dihina téh nyaéta Rosululloh SAW, jalmi anu paling agung di langit jeung di bumi, anu ku urang dipiharep syafa’atna engké di yaumil mahsyar, pasti urang leuwih ambek deui!

Ulama masyhur Buya Hamka rohimahulLoh masualkeun ka jalma anu teu muncul ghirah-na nalika agamana dihina. Anjeuna teges nyebutkeun, “Lamun anjeun cicing nalika agama anjeun dihina, geura ganti baju anjeun ku kaén kafan.”

Dihareupeun mata urang sadaya, di zaman ayeuna, jungjunan Nabi SAW dinistakeun. Deui-deui, jalma-jalma kafir la’natulloh di Prancis nerbitkeun karikatur ngahinakeun ka Nabi urang anu mulya. Jeung tindakan ieu téh didukung ku pamaréntah Prancis anu di pingpin ku Présidén Emmanuel Macron laknatulloh.

Hadirin jama’ah jum’ah rohimakumulloh,

Sacara kaimanan, Rosululloh SAW téh nyaéta sagalana pikeun urang sadaya. Cinta urang ka mantena kudu aya di luhureun cinta urang kanu lian, nya kitu deui diri urang sorangan. Dawuhan Nabi:


لاَ يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ وَالنَّاسِ أَجْمَعِينَ

“Acan sampurna iman salah saurang di antara aranjeun sahingga manéhna ngajadikeun Kaula leuwih ku manéhna dipikacinta tinimbang kolotna, anakna jeung sakabéh manusa.” (HR al-Bukhori).

Hayu urang perhatikeun kisah ‘Umar bin al-Khoththob ra, sakumaha anu ditepikeun ku Shohabat Abdulloh bin Hisyam ra: Abdi sadaya kantos nyarengan Nabi SAW. Mantena ngaléng panangan Umar bin al-Khoththob ra. Tuluy Umar nyarios, “Wahéi Rosululloh, saéstuna anjeun kacida pisan ku kuring dipikacinta ngaleuwihan naon baé ogé, salian diri kuring.” Jungjunan Nabi SAW ngawaler, “Teu bisa. Demi jiwa kaula anu dina kakawasaan Mantena, nepika kaula kacida pisan ku anjeun dipikacinta ngaleuwihan diri anjeun sorangan.” Tuluy Umar nyarios deui ka Rosululloh, “Saéstuna, pami kitu mah, ayeuna, Demi Alloh, Anjeun kacida pisan dipikacinta ngaleuwihan diri kuring sorangan.” Mantena teras ngadawuh, “Ayeuna (karék anjeun bener), wahéi Umar.” (HR al-Bukhori).

Jeung Alloh SWT ogé ngancam —ku azab-Na anu banget— saha baé anu cintana ka Rosul SAW kalindih ku kacintaan kanu lian. (QS At Taubah [9]: 24]

Hadirin jama’ah jum’ah rohimakumulloh,


Singsahaning jalma anu mikacinta ka jungjunan Nabi SAW, engké bakal panggih sareng mantena di surga. Aya saurang lalaki pernah nanya ka Rosululloh SAW, “Iraha Poé Kiyamah téh?” Mantena balik nanya, “Naon anu geus ku anjeun disiapkeun pikeun nyanghareupanana?” Manéhna ngajawab, “Teu aya, iwal ti kuring kacida cintana ka Alloh jeung Rosul-Na.” Teras mantena ngadawuh:

أَنْتَ مَعَ مَنْ أَحْبَبْتَ

“Anjeun bakal babarengan jeung anu dipikacinta ku anjeun.” (HR al-Bukhori).

Jalma anu mikacinta ka Alloh SWT jeung Nabi-Na ogé bakal ngarasakeun amisna iman, sakumaha dawuhan mantena :

ثَلاَثٌ مَنْ كُنَّ فِيهِ وَجَدَ حَلاَوَةَ الإِيمَانِ أَنْ يَكُونَ اللَّهُ وَرَسُولُهُ أَحَبَّ إِلَيْهِ مِمَّا سِوَاهُمَا

“Aya tilu perkara anu lamun éta perkara aya disalahsaurang mangka manéhna bakal ngarasakeun amisna iman (di antarana): Alloh jeung Rosul-Na leuwih ku manéhna dipikacinta tinimbang salian kaduana…”. (HR al-Bukhori sareng Muslim).

Terus naon bukti cinta téh? Ta’at kana syaré’at anu dibawa ku Mantena. Eta téh syaré’at Islam. Sakaligus ngajaga kahormatan sarta kamulyaan mantena SAW. Jeung, teu nyulayaan saeutik oge kana paréntah sarta larangan Alloh jeung Rosul-Na.

Hadirin jama’ah jum’ah rohimakumulloh,

Ingetkeun, kalakuan nganistakeun (istihza’) kamulyaan mantena nyaéta haram jeung dosa gedé. Kalakuan saperti kitu téh sarua baé jeung nganyerikeun Alloh SWT jeung Rosul-Na. Alloh SWT ngala’nat saha baé anu ngalakukeunana, sakumaha Dawuhan Mantena:

إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِي الدُّنْيَا وَالْآخِرَةِ وَأَعَدَّ لَهُمْ عَذَابًا مُهِينًا

“Saéstuna jalma-jalma anu nganyerikeun Alloh jeung Rasul-Na, Alloh ngala'nat maranéhna didunya jeung di akhérat sarta (Alloh) nyadiakeun pikeun maranéhna siksaan anu ngahinakeun”. (TQS al-Ahzab [33]: 57).

Syeikh al-Islam Ibn Taimiyah ngajelaskeun watesan kalakuan ngahujat mantena nyaéta: ucapan-ucapan anu boga tujuan ngaréméhkeun sarta ngahandapkeun martabat mantena, kaasup ngala’nat jeung ngagogoréng. (Ibn Taimiyah, Ash-Shorîm al-Maslûl ala Syâtim ar-Rasûl, I/563).

Al-Qodhi Iyadh ogé ngajelaskeun rupa-rupa hujatan ka Nabi SAW. Di antarana: ngagogoréng, néangan kasalahan, nganggap dina diri nabi aya kakurangan; ngagogoréng nasab (katurunan) jeung ngajalankeun agamana; ngagogoréng salahsahiji sifatna anu mulya; nangtang atawa nyaruakeun mantena jeung jalma lian kalawan niat ngajejeléh, ngahina, nyapélékeun, ngagogoréng sarta néangan kasalahanana. Jalma anu ngalakukeun saperti kitu kaasup jalma anu geus ngahujat Rosul SAW. (Al-Qodhi Iyadh, Asy-Syifâ bi Ta’rîf Huqûq al-Musthofâ, hlm. 428).

Hadirin jama’ah jum’ah rohimakumulloh,

Hayu urang kuatkeun kaimanan urang di zaman pinuh fitnah ieu. Prak ta’atan Alloh sareng Rosul-Na. Gégél sing kuat agama ieu ku caréham urang. Béla kahormatan sarta kamulyaan Nabi kalawan ku kamampuhan urang. Ogé, hayu urang terus bajoang supaya warisan Nabi SAW nyaéta syaré’at Islam nanjeur deui di dunya ieu dina pangriksana khilafah ala minhajin nubuwah.

بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِن الآيَةِ وَذِكْرِ الْحَكِيْمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّههُ هُوَ السَّمِيْعُ العَلِيْمُ، وَأَقُوْلُ قَوْلِي هَذَا فَأسْتَغْفِرُ اللهَ العَظِيْمَ إِنَّهُ هُوَ الغَفُوْرُ الرَّحِيْم

Khutbah II

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِىى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا

أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ الْمُسَبِّحَةِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلي وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ

اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآء مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.

عِبَادَاللهِ ! إِنَّ اللهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ

Sumber: seruanmasjid.com
Deni Abu Fadli
Deni Abu Fadli Banyak khilaf namun penuh harap, bisa sehidup dan sesyurga bersama